Sjprunkpräötjes
Vroeger kwamen de vrouwen bijeen bij de openbare wasplaats de Sjprunk, de was geladen in manden of los op een kruiwagen om deze te spoelen in de bron of te bleken op het grasveldje de Bleyckerije. Terwijl de was lag te drogen of te bleken was er even tijd om het plaatselijke nieuws bij te praten. De volgende ontboezeming van een Baarloos meisje laat de betekenis van de Sprunk als wasplaats qua sfeer goed uitkomen omdat het geschreven is in het Baarloos dialect.
Ich höb 'ns aafgeloesterd watter ónger 't wasse verteld waerde euver niej kiendjes. Det meugde ich es kink grös huuere, dao waas niks beej. Ich begreep d'r wel neet alles van en ich bön d'r auch neet vuuel wiezer van gewaore, mer ich höb 't wel ónthaoje.
Euver niej kiendjes
Zèk, det vroumes, dów wets t'r alles van
Det hèlt zich op mèt ziene naoberman
't Lètste kiendje sjtaalt d'r sjpraekend op
't Haet dezelfden dieke kop
Oppen tómp van ós sjtraot is gèt besjteld
Ze zègke det Truuj blink haet aangetèld
En Nuuërke van Hannes löpt op 't lets
Ich dink desse det niets al wets
Jao Miena det nów in 't kingerbèd likt
Is lillik door d'n ooievaar gepikt
Dao haet 't dees kieër hèl gegaon
Mèr 't haet alles good doorsjtaon
Det sjtèl det in de Vaste mós trouwe
Is drök bezig mèt bóchte en sjouwe
Det vroumes is intrint oétgetèld
Zoeë haet de neijster mich verteld
Tummer Kuueb haet 'ne jónge zoon gekoch
Hae sjpróng mèt 't kink 'n gaat in de lóch
Dae sjtamhaojer kwaam beej niej maon
En alles is hiel flot gegaon
Klaos van Kläör hej de loupbóks aan vannach
En de wiesvrouw haet dao gèt jóngs gebrach
Mèr Angenieës is ocherm te beklage
Dao is de kèr weer opgesjlage
Ofter beej Nel get óngerwaeges is?
Ich blief d'r boete, mèr gluif 't besjlis
Dao loog kingerwas op de groos
En dèn ister altied gèt loos
Drieka haet 't sjerkukske gekrege
Nao vief jaor kwaam dao nummer nege
Mèr 't löp neet euveral aeve gesjmaerd
Want beej ós naeve is nag niks versjaerd
Zoë geit 't nów einmaol in 't laeve
Twellef is neet idderein gegaeve
Wie aod is beej Triena de jóngstem blaag?
't Haet wir 'ne krómme sjollik, zoog ich dees daag
Det guuëf dao 'nen aovesraege
Mèr zónne groeëte kingerzaenge
Te groeët? Mèr..verdöld!
't Is Gaods wil en eige sjöld.
(Miep Heines ?)